| TeliaSonera korporatsiyasining O‘zbekistondagi sho‘ba kompaniyasi – Ucell bugun "Yozgi Sonata” aksiyasi g‘olibiga "Hyundai Sonata” avtomobilini topshirdi.
Eslatib o‘tamiz, "Yozgi Sonata” aksiyasi 2011-yilning 16-iyunidan 31-iyulga qadar o‘tkazilib, unda ishtirok etishni xohlagan har bir abonent o‘z hisobini har safar 5 ming so‘mga to‘ldirgan holda ballarni yig‘ib bordi. Eng yuqori ball to‘plagan ishtirokchilar g‘olib bo‘lishdi. Aksiyada O‘zbekiston Respublikasi fuqarosi bo‘lgan, kompaniyaning Prepaid abonentlari ishtirok etishdi.
Kompaniya bergan ma’lumotlarga ko‘ra, butun O‘zbekiston bo‘ylab 150 ming Ucell abonenti ushbu aksiyada ishtirok etishgan.
Bugun 16-avgust kuni Ucell bosh direktori O‘g‘uz Memigyuven qoraqalpog‘istonlik Valentina Utemuratovaga bosh sovrin – "Hyundai Sonata” avtomobilining kalitini topshirdi.
Bundan tashqari, yana 15 ishtirokchi shveysar kompnaiyasi – Longines soatlari, 25 ishtirokchi Samsung Galaxy Tab planshet kompyuteri bilan taqdirlandi.
Eslatib o‘tamiz, MChJ "COSCOM” chet el kompaniyasi 1996-yilda tashkil qilingan bo‘lib, u O‘zbekistonda mobil aloqa xizmatlarini ko‘rsatish bilan shug‘ullanadi. 2008-yil iyun oyidan beri kompaniya Ucell savdo belgisi ostida xizmatlarni ko‘rsatib kelmoqda.
Ucell Skandinaviya, Boltiqbo‘yi mamlakatlari, Ispaniya va Yevrosiyoning rivojlanayotgan mamlakatlari, jumladan Rossiya va Turkiyada telekommunikatsiya xizmatlarini ko‘rsatuvchi TeliaSonera kompaniyalari guruhiga kiradi. Hozirgi kunda TeliaSonera jami aholisi 460 mln. kishidan ortiq bo‘lgan 20 mamlakatda faoliyat ko‘rsatmoqda. 2011-yil I chorak yakunlariga ko‘ra, kompaniya abonentlarining jami soni 158 mln. kishidan oshib ketdi. 2010-yil yakunlariga ko‘ra, TeliaSonera kompaniyasi 15 mlrd. $ atrofida sof daromad oldi. Kompaniya ishchilarining soni 29 000 dan ortiq.
TeliaSonera Yevrosiyoning rivojlanayotgan mamlakatlaridagi yetakchi mobil aloqa operatorlarida o‘z ulushiga ega – Qozog‘istonda (Kcell), Ozarboyjonda (Azercell), Gruziyada (Geocell), Moldovada (Moldcell), Tojikistonda (Tcell), O‘zbekistonda (Ucell), Nepalda (Ncell) va Kambodjada (Starcell). Shu bilan birga TeliaSonera Rossiyadagi MegaFon va Turkiyadagi Turkcell kompaniyalarining ham minoritar aksiyadori hisoblanadi.
| |
