|
 "Beeline Club” 3D-kinoteatrga
taklif qiladi
2011 yil 19 aprel, Toshkent. Yagona aloqa operatori "Bilayn” ("Unitel” MCHJ va "Buzton” QK) "Kolizey Cinema Hall” 3D – kinoteatri "Beeline Club” hamkorlik dasturiga qo‘shilganligi haqida xabar qiladi. "Platinum” va "Gold” imtiyozli kartalari egalariga Toshkentdagi birinchi 5.1 Dolby surround tovushli 3D-kinoteatrida filmlar tomosha qilish uchun 20% chegirma beriladi.
Mazkur voqeani sharhlar ekan, "Unitel”ning jamoatchilik bilan aloqalar Katta menejeri Oraz Abdurazakov quyidagilarni qayd qildi: "O‘zbekiston aholisiga yangi qiziqarli xizmatlarni taqdim etayotgan kompaniyalar hamkorlarimizga aylanayotganidan xursandmiz. "Beeline Club” tufayli ushbu xizmatlar arzonroq bo‘layotgani hamkorlik tarmog‘imizni yanada kengaytirishga turtki bo‘lmoqda”.
Eslatib o‘tamiz, 2010 yil 2 martdan boshlab, "Bilayn”ning har bir mijozi *777# bepul so‘rovni jo‘natib, "Beeline Club”ga ulanishi va dastlabki 20 bonus ballni sovg‘a tariqasida olishi mumkin. Bundan keyingi ballar "Bilayn”ning xizmatlaridan odatiy foydalanganlik uchun hisoblanadi: dasturning ro‘yxatga olingan qatnashchilari endi pul sarflabgina qolmay, balki bonuslarni ham ishlab topadilar.
Batafsil ma’lumot www.beelineclub.uz saytida.
***
"Unitel” kompaniyasi 1996 yilda tashkil etilgan. Kompaniyaning tijorat faoliyati 1997 yil 25 sentyabr kuni boshlangan. Hozirgi kunda kompaniya O’zbekiston GSM-operatorlari qatorida yetakchi o’rinni egallab kelmoqda. 2010 yil oxiriga kompaniya abonentlarining soni 4 800 000 dan ortiqni tashkil qildi 2006 yil 9 fevral kuni "Unitel” MChJ Rossiya va MDH hududida uyali aloqa operatorlari ichida eng yirigi hisoblangan "VimpelKom” Kompaniyalar guruhi tarkibiga kirdi. 2006 yil 12 sentyabrdan boshlab "Unitel” MChJ "Bilayn” savdo belgisi ostida xizmat ko’rsatib kelmoqda. 2008 yil 2 dekabr kuni "Unitel” kompaniyasi O’zbekistonda birinchi bo’lib, 3G tarmog’i ishga tushirilishi to’g’risida e’lon qildi.
"Buzton” Qo’shma korxonasi 1995 yilda Toshkent shahrida tashkil etilgan. Birinchi bosqichda kompaniyaning asosiy faoliyat yo’nalishi bo’lib xalqaro, shaharlararo va mahalliy raqamli telefon aloqasini taqdim etish hisoblanar edi. 2000 yildan boshlab kompaniya telekommunikatsiyalar bozorida o’z faoliyat doirasini kengaytirdi, va Internetga kirish hamda ma’lumotlar uzatish bo’yicha xizmatlar taqdim etishni boshladi. Hozirgi kunda "Buzton” QK integratsiyalangan aloqa xizmatlari operatori sifatida faoliyat ko’rsatmoqda, ya’ni mijozlarga zamonaviy telekommunikatsiya xizmatlari butun majmuasini: telefoniya, ma’lumotlar uzatish va Internetga kirish xizmatlarini taqdim etmoqda. 2008 yilda "Buzton” QK MChJ "VimpelKom” Kompaniyalar guruhi tarkibiga kirdi.
"VimpelKom” OAJ o‘z ichiga aloqa xizmatlari hamda ovozli aloqa va keng turdagi simsiz hamda qo‘zg‘almas aloqa texnologiyalari asosida ma’lumotlar uzatish, shuningdek, Internetga keng polosali ulanish xizmatlarini oluvchi integrallashgan telekommunikatsion xizmatlarni Rossiya, Ukraina, Qozog‘iston, O‘zbekiston, Tojikiston, Armaniston, Gruziya, Qirg‘iziston, Vetnam, Kambodja, Laos, Jazoir, Bangladesh, Pokiston, Burundi, Zimbabve, Namibiya, Markaziy Afrika Respublikasi, Italiyada ko‘rsatadigan va Globalive Wireless Canada ("Wind Mobile”) aksionerlik kapitalida bilvosita ishtirok etuvchi dunyodagi eng yirik operatorlar guruhidan biri hisoblangan "VimpelKom Ltd” kompaniyalari guruhiga kiradi."VimpelKom” butun jahon bo‘ylab umumiy aholisi 843 milliion kishi bo‘lgan hududda operatsiyalarni amalga oshiradi. Kompaniya "Bilayn”, "Kievstar”, "djuice”, "Wind”, "Infostrada”, "Mobilink”, "Leo”, "Banglalink”, "Telecel” va "Djezzy” brendlari ostida xizmatlar ko‘rsatadi. "VimpelKom Ltd.” aksiyalari Nyu-York fond birjasida VIP beligisi ostida kotirovka qilinadi.
| |
