| Ma'lumki, Google kompaniyasi turli sanalar munosabati bilan logotipini o‘zgartirib turadi. Qidiruv tizimi dizaynchilari yaqinda Rossiyani 2018 yilgi futbol chempionatiga mezbonlik bilan tabriklamoqchi bo‘lib haqiqiy ma'noda "qovun tushirishdi”.
Unga ko‘ra, Googlening rus xizmati logotipida futbol to‘plari va Rossiya bayrog‘i aksini topgan. Yuqoridan pastga ketma-ketlikda oq, qizil va ko‘k ranglar joylashgan (so‘nggi ikki hoshiya ranglari o‘rni almashtirib yuborilgan).
«Biz yo‘l qo‘yilgan xato uchun kechirim so‘raymiz, unga inson omili sabab bo‘lgan. Tezkorlik bilan bayroq ranglari asl holida joylashtirildi va foydalanuvchilar bizni to‘g‘ri tushunadilar degan umiddamiz”, — deya voqeaga oydinlik kiritgan Google Rossiya sho‘'basi vakillari.
| |
