| Erkakni ranjitadigan va jahlini chiqaradigan narsa xotinining unga ovozini balandlatishidir. Bu odobga ham to’g’ri kelmaydi. Ey muhtaram ayol!!! Farzandingning senga baqirishini qabul qila olasanmi? Eringning senda ko’p haqqi va yaxshiligi bo’lishiga qaramasdan, buning evaziga unga baqirib-chaqirib, qo’llaringni ko’tarib, o’dag’aylab javob qaytarasanmi? Ba’zi ayollar uyda eridan oldin baqirishni boshlaydilar. Bu noto’g’ridir. Ayolning ota uyida yaqinlari bilan baland ovozda gaplashishi bilan turmush o’rtog’iga baqirishi farqlidir. Tobeinlardan Said ibn al-Musayabning qizi "Biz erlarimiz bilan siz davlat rahbaringiz bilan gaplashganingiz kabi gaplashar edik” deganlar. Baland ovozda gapirish tinglovchini nihoyatda huzursizlantiradi va o’zini kamsitilgandek his qiladi. Bu ayol kishiga yarashmaydi. Farosatli ayol Allohdan qo’rqishi, erini ranjitmaslik uchun baland ovozda gaplashmasligi va Payg’ambarimiz alayhissalomning ushbu muborak so’zlarini yodda tutmog’i lozim: Ayol erini ranjitadigan ish qilar qilmas xurlardan bo’lgan ayoli darhol shunday deydi, Uni ranjitma. U sening oldingda mehmondir. Zero sendan ayrilib bizga kelishi juda yaqindir. Xotin eriga ovozini balandlatganda unga taqlid qilib bu xatoni o’rgangan farzandlariga yomon o’rnak bo’layotganini yaxshi bilsin.
| |